ശ്രീരാമന്റെ സദാചാരം .

വാർത്ത : http://ibnlive.in.com/news/hindutva-moral-brigade-attacks-women-in-mangalore-pub/83648-3.html

നിയമങ്ങൾ പാലിക്കപ്പെടേണ്ടതാണെന്ന് വ്യവസ്ഥയെങ്കിൽ ‘പൊതുസ്ഥലത്ത് സിഗററ്റ് വലിക്കരുത്’ എന്ന് അനുശാസിക്കുന്ന നിയമം തന്നെയാണ് ‘പബുകളിൽ മദ്യവിൽ‌പ്പന’ അനുവദിക്കുന്നതും. നിയമാനുസൃതമായി നടക്കുന്ന ഒരു പബിൽ നാൽ‌പ്പതോളം ആളുകൾ മതമൌലികവാദികൾ ഇരച്ചു കയറുകയും പബിനകത്തുണ്ടായിരുന്നവരെ വിരട്ടിയോടിക്കുകയും, അവിടെയുണ്ടായിരുന്ന സ്ത്രികളെ മർദ്ദിക്കുകയും ചെയ്യുന്നത് എവിടത്തെ നിയമം/ന്യായം? ഇത്രമാത്രം സംഭവിക്കാൻ ഇന്ത്യയെന്താ ഹൈന്ദവ-താലിബാനോ? ആരാണീ രാമസേനാ സദാചാരപ്പോലീസുകാർ?

സനാതന ഭാരതീയ പൈതൃകങ്ങൾക്കു വിഘാതമായ ഇത്തരം സ്ഥാപനങ്ങളെ ഇനിയും എതിർക്കും എന്നുതന്നെയാണ് രാമസേനാ നേതാവ് ഘോരഘോരം പ്രസംഗിച്ചത്. മക്കളിൽ മാതാപിതാക്കളുടെ പ്രതീക്ഷ നിലനിർത്താനും, അവർ വഴിപിഴച്ചുപോകാതിരിക്കാനും ഇതിലപ്പുറവും ചെയ്യുമത്രേ. അരിയും തിന്ന് ആരാരിച്ച്യേം കടിച്ച് പിന്നെയും മുറുമുറുക്കുന്ന നായ്ക്കൾ. മദ്യശാ‍ലകളും, വേശ്യാപ്പുരകളും, കാമസൂത്രവും, ദേവദാസീ സമ്പ്രദായവും ഒക്കെ നിലനിന്ന ‘സനാതന പൈതൃകം’ തന്നെയല്ലേ ഈസ്റ്റിന്ത്യാ കമ്പനി വരുംവരെ ഇവിടെ ഉണ്ടായിരുന്നത്?

പബിനകത്തിരിക്കുന്ന പെണ്ണുങ്ങളുടെ മുലയിലും, മുടിക്കുത്തിലും പിടിച്ചു വലിച്ച് നിലത്തിട്ടു ചവിട്ടുന്നതനാണല്ലോ ഇവന്റെയൊക്കെ ‘സദാചാരം’. എന്നിട്ട് ന്യായീകരിക്കാൻ പ്രേമം തുറന്ന് പറഞ്ഞതിന് മൂക്കും‌മുലയും മുറിച്ചവരുടെ സംഘടനാനാമവും. ഇവനോടൊക്കെയാണ് “Deko hai deevano thum ye kaam na kro....Ram ka naam badnaam na karo“ എന്നു പാടേണ്ടത്.

@%@$%$@#$#@$!#@^%&*^*&&&*%

(പച്ചത്തെറി വിളിക്കാൻ അറിയാഞ്ഞിട്ടല്ല ഇവനെയൊക്കെ വിളിക്കേണ്ട തെറി മലയാളഭാഷയിൽ ഇനിയും കണ്ടുപിടിച്ചിട്ടില്ല അതുകൊണ്ടാണ്)